རྫོང་ཁ།

 རྫོང་ཁའི་སྐད་ཡིད་གི་འབྱུང་རབ།

༊ ཆོས་སྐད་ལས་ཤན་ཞུགས་ཡོད་པའི་ར་ཁུངས།

རྫོང་ཁའི་ཚིག་ཚུ་ མང་ཆེ་བ་ཅིག་ ཆོས་སྐད་ལས་རྟ་གྲངས་ཏེ་ ང་བཅས་ཀྱི་སྐད་ཡིད་གཅིག་སྦེ་ ཚུད་ཡོདཔ་ཨིན། དེ་ཡང་ སྔོན་བྱོན་རྒྱལ་བ་དགོངས་མ་ཚུ་ མང་ཤོས་ཅིག་ར་ བོད་ལུ་ནང་པའི་ཆོས་ཐར་ཕྱིན་མཛད་དེ་ ཤུལ་ལས་ང་བཅས་ འབྲུག་ལུ་ཡང་ ནང་པའི་ཆོས་དར་ཆབ་ མཛད་ནང་པའི་ཤུལ་ ང་བཅས་རའི་ སྐད་ཡིག་ནང་ལུ་ཡང་ ཆོས་སྐད་ཀྱི་ ཤན་ཞུགས་སྦོམ་སྦེ་རང་ བྱུང་ཡོདཔ་ཨིན།

དེ་ཡང་ ཆོས་སྐད་གྱི་ཚིག་ཚུ་ ལེ་ཤ་གཅིག་ར་ རྫོང་ཁ་ནང་སྐད་སྒྱུར་འབད་ཡོདཔ་མ་ཚད་ ཚིག་དང་སྒྲ་ཚུ་ གྱངས་ཁ་མེདཔ་ཅིག་ རྫོང་ཁ་ནང་སྒྱུར་བ་འབད་ཡོདཔ་ཨིན། དེ་འབདཝ་ལས་ ཆོས་སྐད་ནང་ ར་འདོགས་ཅན་ལུ་ རྫོང་ཁའི་ནང་ ཡ་འདོགས་ཅན་སྦེ་ ལྷག་དགོཔ་ཡོདཔ་ཨིན། དེ་མ་ཚད་ ང་བཅས་ཀྱི་ སྐད་ཡིག་གི་ཚིག་ཚུ་ མང་ཤོས་གཅིག་ར་ ཆོས་སྐད་ཀྱི་ཚིག་ཨིནམ་དང་ འབྲིས་ཐངས་ཀྱི་ལམ་ལུགས་ཚུ་ དབྱེ་བ་མ་འདྲཝ་འབད་ཡོདཔ་ཨིན།

དཔེར་ན

ཆོས་སྐད། རྫོང་ཁ།

༡/ བྲག། བྱག

༢/ བྲེལ། བྱེལ།

༣/ སྤྲ། སྤྱ།

༤/ མགྲོན། མགྱོན།

༥/ ཁྲིད། ཁྱིད།

༦/ སྐྲ། སྐྱ།

༧/ འགྲོ། འགྱོ།

ཡིག་བཟོ་ཡང་ཆོས་སྐད་ནང་ མང་ཆེ་ཤོས་ར་ ཚུགས་ཡིག་སྦེ་འབྲིས་ཡོདཔ་དང་ རྫོང་ཁའི་ནང་ མགྱོགས་ཡིག་འདི་ར་ལག་ལེན་འཐབ་ཨིན། 

༼མགྱོགས་ཡིག་དང་ཚུགས་ཡིག་གི་འབྱུང་ཚུལ།༽ 

རྫོང་ཁའི་ཡི་གུ་ལུ་ ལྷོ་ཡིག་ཟེར་ མགྱོགས་ཡིག་དང་ དབུ་ཅན་ཟེར་ ཚུགས་ཡིག་ཟེར་ ལྷམ་པ་མ་འདྲཝ་གཉིས་ཡོད།

༡༽ མགྱོགས་ཡིག་གི་འབྱུང་ཚུལ།

མགྱོགས་ཡིག་འདི་ དུས་རབས་བརྒྱད་པའི་ནང་ གུ་རུ་རིན་པོ་ཆེ་བུམ་ཐང་སྐུ་རྗེས་ལུ་ བྱོན་གནང་པའི་སྐབས་ བུམ་ཐང་གི་རྒྱལཔོ་སིན་དྷུ་ར་ཛའི་ ཕྱག་ཞུ་མི་ ལོ་ཙཱ་བ་ལྡན་མ་རྩེ་མང་གིས་ བརྩམས་གནང་ནུག། དེ་ཡང་ བཀའ་ཐང་གསེར་ཕྲེང་ ལེའུ་བརྒྱད་ཅུ་པའི་ནང་ རྒྱ་ཆོས་བོད་ལུ་སྒྱུརཝ་ད་ ཤོག་ཀུ་མ་ལང་པར་ འབྲུག་ལས་ ཤོག་ཀུ་ལེན་པའི་དགའ་ཚོར་འབད་ ལོ་ཙཱ་བ་ལྡན་མ་རྩེ་མང་གིས་ མགྱོགས་ཡིག་འདི་བརྩམས་གནང་ནུག།

༢༽ ཚུགས་ཡིག་གི་འབྱུང་ཚུལ།

སྔོན་མ་ བོད་ལུ་དམ་པའི་ཆོས་ཟེར་མི་འདི་ ཡི་གུའི་གཟུགས་བརྙན་ཙམ་ཅིག་ཡང་མེདཔ་ལས་ བོད་ཀྱི་རྒྱལཔོ་ སྲོང་བཙན་སྒམ་པོ་གི་ བློན་པོ་སམ་བྷོ་ཊ་ རྒྱ་གར་ལུ་ སངྱས་ཀྱི་བསྟན་པ་ རིགས་པའི་གནས་དང་ མདོ་རྒྱུད་ལ་སོགས་པའི་ཆོས་ལྷབ་སྦྱངས་འབད་དེ་ ལོག་བོད་ལུ་ཤོག་ཟེར་བཀའ་གནང་ནུག། རྒྱལཔོ་འདི་གིས་བློན་པོ་ལུ་བཀའ་གནངམ་བཞིན་དུ་ བློན་པོ་སམ་བྷོ་ཊ་འདི་གིས་ཡང་ དང་པ་ར་ ལེགས་སྦྱར་གྱི་དབྱངས་བཅུ་དྲུག་ཡོད་ས་ལས་ ༼ ཨི་ཨུ་ཨེ་ཨོ ༽བཞི་བཞག་སྟེ་བཅུ་གཉིས་བཏོན་གཏང་ནུག། གཉིས་པ་ཟེརརཝ་ད་ ལེགས་སྦྱར་གྱི་གསལ་བྱེད་སུམ་ཅུ་སོ་བཞི་ཡོད་ས་ལས་ ལོག་པའི་ཡི་གུ་ལྔ་ ༼ ཊ་ཋ༌ཌ༌ཎ༌ཥ ༽ དང་མཐུགས་པའི་ཡི་གུ་དྲུག་ ༼ གྷ་ཌྷ་ངྷ་བྷ་ཛྷ་ཀྴ ༽ བཏོན་གཏང་ནུག། ཨིན་རུང་ ལེགས་སྦྱར་གྱི་སྐད་ལས་ རིགས་པ་དུ་ད། ཟེར་བའི་སྒྲ་འདི་གི་དོན་ བོད་སྐད་ལས་འབད་བ་ཅིན་ གཟུགས། ཨོམ། ཨིནམ་ལས་ ཡི་གུ་མ་ལང་པར་ བློན་པོ་ཐབས་རྡུགས་ཏེ་བཞུགས་པའི་བར་ན་ ཧང་ཏོ་མ་མི་དཀརཔོ་ལྕགས་ཀྱི་བགོ་ལ་གྱོན་མི་གཅིག་ཁོ་གི་གདོང་ཁར་བྱོན་མི་ལུ་ བློན་པོ་གིས་ཁྱོད་ག་སྟེ་ལས་འོངམ་ཟེར་དྲིཝ་ད་ མི་དེ་གིས་ཞང་ཞུང་ཟེར་སླབ་ནུག། ག་སྟེ་འགྱོ་ནི་ཟེར་དྲིཝ་ད་ ཟ་འོར་ཟེར་སླབ་ནུག། ག་ཅི་འབད་བར་འགྱོ་ནི་ཟེར་དྲིཝ་ད་ མི་དེ་གིས་ཇ་ཉོ་བར་འགྱོ་ནི་ཟེར་སླབ་ད་ ནམ་ལོག་འོང་ནི་ཟེར་དྲིཝ་ད་ མི་དེ་གིས་ ཅི་ཆ་ཟེར་སླབ་སྟེ་ མི་འདི་དུས་འཕྲོ་ལས་ ག་སྟེ་ཡར་སོངམ་ཨིན་ན་མ་ཤེས་པས། དེ་ལས་ བློན་པོ་གིས་ མི་འདི་གི་ལན་ལུ་བརྟག་དཔྱད་མཛད་དེ་ ཞང་ཞུང་ཟེར་བའི་ཚིག་ལས་ ཡི་གུ་ ༼ ཞ ༽ དང་ ཟ་འོར་ཟེར་བའི་ཚིག་ལས་ཡི་གུ ༼ ཟ་འ ༽ དང་ ཇ་ཉོ་བར་ཟེར་བའི་ཚིག་ལས་ཡི་གུ ༼ ཇ ༽ དང་ ཅི་ཆ་ཟེར་བའི་ཚིག་ལས་ཡི་གུ་ ༼ ཅ་ཆ ༽ ཡི་གུ་དྲུག་ཐོབ་འདི་ གསལ་བྱེད་བསྡོམས་ཉི་ཤུ་རྩ་དགུ་དང་ དབྱངས་བཅུ་དྲུག་ཡོད་ས་ལས་ དབྱངས་དང་པ་ ༼ ཨ ༽ འདི་གསལ་བྱེད་ཀྱི་གྲས་ཁར་བཙུགཔ་ གསལ་བྱེད་སུམ་ཅུ་མཛད་གནང་ནུག། 

རྫོང་ཁ་ཟེར་བའི་ཐ་སྙད། 

འབྲུག་རྒྱལ་ཁབ་ཀྱི་ རྒྱལ་ཡོངས་ཁ་སྐད་རྫོང་ཁ་འདི་ ག་དེ་འབད་འབྱུང་ནུག་ཟེར་བ་ཅིན་ དུས་ཀྱིས་འགྱུངས་བ་དང་ཕྲིད་དེ་ བོད་སྐད། ཆོས་སྐད་ དང་འབོད་ཁ་སྐད་ཚུ་ མཉམ་དེབ་འབད་དེ་ རྫོང་ཁ་བྲེང་བའི་ཁ་སྐད་འདི་འབྱུང་ནུག།

ལྷག་པར་དུ་ ཞབས་དྲུང་ངག་དབང་རྣམ་རྒྱལ་ རིན་པོ་ཆེ་མཆོག་འབྲུག་ལུ་འབྱོན་ཏེ་ འབྲུག་གི་རྫོང་ཁ་འདི་ སྔར་ལས་ལྷགཔ་འབད་ ཡང་རྒྱས་འཛད་གནང་ནུག།

འབྲུག་རྒྱལ་ཁབ་ཀྱིས་རྫོང་ཁ་འདི་ དུས་རབས་༡༢ དེ་ཅིག་ལས་ར་དཔོན་གྱི་སྒོ་ཁ་དང་ དམག་སྡེའི་དྲག་གས། ཤེས་ཡོན་ཅན་གྱི་མིབརྒྱུད། གཞུང་སྐྱོངས་དང་བདག་སྐྱོང་ཚུ་གི་ཁ་སྐད་འབད་ལག་ལེན་འཐབ་སྟེ་སྡོད་ནུག། 

དེང་སང་གི་རྫོང་ཁ།

སྤྱི་ལོ་༡༩༨༦ལུ་ མི་དབང་འབྲུག་རྒྱལ་བཞི་པ་ དཔལ་འཇིག་མེད་སེང་གེས་དབང་ཕྱུག་མཆོག་གི་ རྫོང་ཁ་གོང་འཕེལ་གྱི་འཆར་གཞི་དང་ སྲིད་བྱུས་ལམ་སྟོན་ཚུ་བཙམ་ནི་དོན་ལུ་ རྫོང་ཁའི་གྲོས་ཚོགས་བཙུགས་དགོ་པའི་བཀའ་རྒྱ་གནང་ནུག

དེ་ལས་སྤྱི་ལོ་༡༩༨༩ལུ་ ཤེས་རིག་ལྷན་ཁག་འོག་གི་ རྫོང་ཁ་གོང་འཕེལ་སྡེ་ཚན་དང་ རྫོང་ཁའི་གྲོས་ཚོགས་གཉིས་གཅིག་ཁར་བསྡབས་ཞིནམ་ལས རྫོང་ཁ་གོང་འཕེལ་ལྷན་ཚོགས་འདི་ རང་སྐྱོང་གི་གཙུགས་སྡེ་ཅིག་སྦེ་ གཞི་བཙུགས་གནང་ནུག་ ད་རེས་ ལྷན་ཚོགས་འདི་རྒྱལ་ཁབ་ནང་ལུ་ རྫོང་ཁ་གོང་འཕེལ་དང་དར་ཁྱབ་གཏང་མིའི་གཙུག་སྡེ་ མཐོ་ཤོས་གཅིག་སྦེ་གནང་སྟེ་ཡོདཔ་ཨིན།

རྫོང་ཁ་གོང་འཕེལ་ལྷན་ཚོགས་ཀྱིས་ རྒྱལ་ཁབ་ནང་ལུ་ ཤེས་རིག་ལམ་ལུགས་དང་མི་མང་ཞབས་ཏོག་གིས་མ་ཚད་པར་ སྐད་ཡིག་གནས་ཚད་ཡར་འཕེལ་དང་རྒྱ་སྐྱེད་ཀྱི་ཐོག་ལས་ རྫོང་ཁ་དར་ཁྱབ་གཏང་ནིའི་འཆར་གཞི་བརྩམས་དོ་ཡོདཔ་ཨིན།

འདི་བཟུམ་སྦེ་ ཡོངས་གྲགས་ཡོད་པའི་གློག་རིག་རིམ་ལུགས་ཚུ་ནང་ གནས་ཚད་གཞིར་བཞག་གི་ རྒྱབ་སྐྱོར་མཐུན་རྐྱེན་ཚུ་བཟོ་ནི་ལུ་ རྩོན་ཤུགས་བསྐྱེད་དོ་ཡོདཔ་ཨིན།

དཔེར་ན།  ཨེམ་ཨེས་ཝུན་ཌོ་  (MS Window)

           ཨེ་པཱལ་ཨོ་ཨེས་ཨེགས  (Apple OSX)

           མའི་ཀོ་ངོ་སོཕཊི་  (Microsoft Office) 

ཚིག་མརྫོད་དང་ཡིག་གཟུགས་ལམ་སྟོན་པ་ དེ་ལས་་ཤེས་ཡོན་གྱི་ཐོན་ཁུངས་ཚུ་ གསར་བསྐྲུན་འབད་ནུ།